Gràtzias de coru a su cumpangiu Antoni po’ sa trasladura!

Forroghendi in Tegula

S’8 de Abrile amus forrogadu unu bacu novu in su zassu de Teulada (Teula est su nomene antigu de sa bidda).
Su bacu no tenet topònimu e su nùmene sceberau arrelatat su trogu de su costale serente, marcau in sa mapa IGM comente: Saltu de Malfidanu.

Su Bacu tenet comente allomìngiu: “Saltu de Tuerredda” e sighit in su costale Sud de Monte Pranedda in su sartu de Teulada. Su monte est una contra granìtica arta 190m chi est acarada in una de sas incontradas de costera prus galanas de sa Sardigna intrea: su famadu Arenàrgiu de Tuerredda.

Su materi est básciu, fatu mescamente de tupa e molaxa. S’acortziada est de 20 minutos, cun d’una artziada de +150m. Si tucat dae su patiale de arrebiu chi est unu pagu antis de s’allogu de s’arenàrgiu. Si andat a cara Nord, poninde fatu s’arruinale de una muragada chi imprassat unu furriadroxiu. Comente acabat sa muragada si depet leare una caminera làdina chi pigat in sa filada Nord-Ovest. Unu omineddu de pedras supra una crastatza semper in sa filada Nord-Ovest, ammustrat in ue si podet intrai e agatare su bacu. In pagos minutos si lompit a sa prima calada.

Sa sia de caladas sunt:

C30 banda a manca – obbligada
C3 banda a manca
C3 banda a manca – obbligada (custas duas si podent unire in d’una C15 in sa banda a destra)
C15 banda a manca – obbligada
C5 banda a manca (innoghe si podet bessire dae su bacu in sa banda a destra)
C10 banda a manca
C10 banda a destra

Innoghe acabat su bacu e pinnichende un’àndala in sa banda a destra si torrat impresse a s’allogu de sas màchinas.